Ис хоһооно

"Саха сүөһүтэ” хааһына тэрилтэтэ, “Төрүт баай” уопсастыбаннай тэрилтэ, “Кыым.ру” саайт тэрийбит күрэхтэрэ түмүктэнэр биэтэгэр таҕыста!

Куоластааһын

Сөбүлээбит ырыаҕытыгар куоластааһын ыам ыйын 18 күнүгэр сарсыарда 9 чаастан саҕаланар, ыам ыйын 20 күнүгэр түүн 24 чааска түмүктэнэр.

Күрэххэ барыта 15 ырыа киирдэ. Үс күн устата сөбүлээбит ырыаҕытыгар инстаграмҥа уонна саайтка киирэн иккиэннэригэр биирдиитэ куоластыаххытын сөп. Ол эбэтэр, биир киһи икки куолаһы биэрэр кыахтаах.

Наҕараадалааһын

Күрэххэ саха ынаҕын сайдыытыгар улахан үтүөлээх Олег Петрович Марков аатынан 30 тыһыынча солкуобай Гран-при бирииһи Марковтар дьиэ кэргэттэрэ туруордулар!

Ырыа күрэҕин үс кыайыылаахтарын уонна Гран-при хаһаайынын анал дьүүллүүр сүбэ (социальнай ситимнэр куоластарын учуоттаан) Ньукуолуҥҥа таһаарыаҕа!

Оттон социальнай ситимнэргэ куоластааһын түмүгүнэн саамай элбэх куолаһы ылбыт ырыа «Көрөөччүлэр биһирэбиллэрин» бирииһин «Ситим» медиа-бөлөхтөн тутуоҕа. Кытаатыҥ!

Күрэх кыайыылаахтарын наҕараадалааһын ыам ыйын 26 күнүгэр ыытыллыаҕа.

Тэрийэр бөлөх.