“Байдам” сурунаал, “Ситим-Медиа” ХЭУо уонна “Кыым” норуот хаһыатын саайта Kyym.ru тыа сирин быйылгы бастыҥ тиэргэнин быһаарарга “Сиэдэрэй тиэргэн” диэн хаартыска күрэһин биллэрэллэр.
КҮРЭС ИС ХОҺООНО
Кыттааччы бэйэ тиэргэнин күрүөтүн-хаһаатын, бытархай тутууларын (баанньыгын, гарааһын, беседкаларын, о.д.а.), оҕуруотун (тэпилииссэтин) тас көстүүтүн, олордуу сибэккилэрин, о.д.а. тиэргэн сиэдэрэй оҥоһууларын, кэрэ көстүүлэрин, киэргэтиилэрин көрдөрөр хаартыскалары Kyym.ru саайтка бэйэтэ киирэн угар эбэтэр Этот адрес электронной почты защищён от спам-ботов. У вас должен быть включен JavaScript для просмотра. диэн электроннай аадырыска ыытар.
СҮРҮН ИРДЭБИЛЛЭР
Хаартыскалары ким хайдах ньыманан түһэрэрэ – көҥүл.
Хас биирдии хаартыска булгуччу үрдүк хаачыстыбалаах, тугу көрдөрөрүн быһаарар тэттик суруктаах буолуохтаах.
Кыттааччы Саха сирин олохтооҕо уонна 18-тан үөһэ саастаах буолуохтаах.
Биир сайаапкаҕа 7-тэн элбэх хаартыска баар буолуо суохтаах.
Биир хаартыскаҕа кыттааччы хайаан да бэйэтин мөссүөнэ көстөр буолуохтаах.
КЫАЙЫЫЛААХТАРЫ БЫҺААРЫЫ
Кыайыылаахтары Kyym.ru саайтка ыытыллар куоластааһын нөҥүө быһаарыахпыт.
Кыттааччыга ыалдьааччылар куоластааһын кэмигэр хаартыскаларыгар киирэн “биһирэбил” (лайк) туруораллар. Муҥутуур элбэх “биһирэбил” (лайк) хомуйбут кыттааччы кыайыылааҕынан тахсар. Эбии 2-с, 3-с миэстэлэр, анал ааттар олохтонуохтара. Кыайыылаахтары сыаналаах бириистэр, туоһу суруктар күүтэллэр.
ҮЛЭЛЭРИ ТИКСЭРЭР КЭМ
Күрэскэ сайаапкалары уонна үлэлэри балаҕан ыйын 11 күнүттэн алтынньы 7 күнүгэр диэри күүтэбит.
Сайаапкаҕа толору ааты-суолу, аадырыһы, төлөпүөнү ыйыы булгуччулаах.
Куоластааһын алтынньы 8 күнүттэн 14 күнүгэр диэри барыаҕа.
ТҮМҮК
Түмүк уонна наҕараадалааһын туһунан алтынньы 16 күнүгэр Kyym.ru саайтка биллиэҕэ.
*Күрэскэ киирбит бастыҥ үлэлэри “Байдам” сурунаал эрэдээксийэтэ бэйэтин көрүүтүнэн сурунаалга бэчээттиир эбэтэр туһанар толору бырааптаах.
Тэрийэр хамыыһыйа.