Муҥха – саха омук төрүт үгэһэ. Улахан күөллэргэ сэтинньи ыйтан саҕаланар. Муҥха биир күн эбэтэр 2-3 күн уһаан-тэнийэн буолуон сөп. Күөх Боллох бэлэҕин үллэстии кэмигэр күөлгэ киирбит дьон бары балыкка тиксиэхтээхтэр. Ол былыргы сокуон күн бүгүнүгэр диэри кытаанахтык тутуһуллар. Ити – саха омук кыаммат-түгэммэт араҥаҕа харыстабыллаахтык, кыһамньылаахтык сыһыаннаһыытын чаҕылхай туоһута.
Быйылгы муҥха саха дьонугар хайдах ааспытын киэҥ араҥаҕа сырдатаары “Байдам” сурунаал уонна Kyym.ru саайт “Муҥха” диэн хаартысканан күрэһи биллэрэллэр.
КҮРЭС ИС ХОҺООНО
Кыттааччылар быйылгы муҥха түгэннэрин хаартыскаҕа түһэрэн (түһэрбиттэрин) тэрийээччилэргэ ыыталлар. Сайаапкаларын кытта хайа күҥҥэ, хайа улууска, ханнык нэһилиэккэ, күөлгэ (эбэҕэ), хас киһи кыттыылаах, төһө байанайдаах муҥхалаабыттарын туһунан кэпсээни ыыталлар.
СҮРҮН ИРДЭБИЛЛЭР
Сайаапкаҕа кыттааччы аатын-суолун, олорор сирин уонна төлөпүөнүн нүөмэрин ыйар.
Хаартыскалары түһэрии ньымата көҥүл.
Хас биирдии хаартыска үрдүк хаачыстыбалаах, дьон сирэйэ-хараҕа үчүгэйдик көстөр буолуохтаах.
Кыттааччы Саха сирин олохтооҕо уонна 18-тан үөһэ саастаах буолуохтаах.
Биир сайаапкаҕа 7 эрэ хаартыска киирэр.
Биир хаартыскаҕа кыттааччы хайаан да бэйэтин мөссүөнэ көстүөхтээх.
КЫАЙЫЫЛААХТАРЫ БЫҺААРЫЫ
Кыайыылаахтары Kyym.ru саайтка ыытыллар куоластааһын нөҥүө быһаарабыт.
Кыттааччыга ыалдьааччылар куоластааһын кэмигэр сайаапкатыгар киирэн “биһирэбил” (лайк) туруораллар. Муҥутуур элбэх “биһирэбил” (лайк) хомуйбут кыттааччы кыайыылааҕынан тахсар. Бу күрэскэ кыайыылаах биир эрэ буолуоҕа. Кыайыылааҕы булка-алка сыһыаннаах үчүгэй бириис күүтэр.
ҮЛЭЛЭРИ ТИКСЭРЭР КЭМ
Сайаапкалары сэтинньи 14 күнүттэн сэтинньи 25 күнүгэр диэри күүтэбит.
Куоластааһын сэтинньи 25 күнүттэн ахсынньы 2 күнүгэр диэри барыаҕа.
Сайаапкалары Kyym.ru саайтка эбэтэр Этот адрес электронной почты защищён от спам-ботов. У вас должен быть включен JavaScript для просмотра. электроннай аадырыска күүтэбит.
ТҮМҮК
Кыайыылаах аата ахсынньы 6 күнүгэр “Кыым хаһыакка уонна Kyym.ru саайтка биллиэҕэ.
*Күрэскэ киирбит бастыҥ үлэлэри “Байдам” сурунаал эрэдээксийэтэ бэйэтин көрүүтүнэн сурунаалга бэчээттиир эбэтэр туһанар толору бырааптаах.
Тэрийэр хамыыһыйа.