Саҥа тутулла турар дьиэҕэ кыбартыыра атыылаһар туох үчүгэйдээҕин туһунан үгүс киһи толкуйдаабыт буолуохтаах. Девелопмент (дьиэни-уоту бырайыактааһын, тутуу, эргитии) эйгэтигэр үлэлээбитим быданнаата, онон итиннэ сүбэ-ама курдук сырдатар кыахтаахпын.
Бастатан туран, Уһук Илин уонна да атын чэпчэтиилээх ипэтиэкэни туһанан атыылаһыахха сөп. Уһук Илин ипэтиэкэтин туһаммыт дьон билэллэр, бу – улахан барыстаах бырагыраама. Иккиһинэн, юридическай өттүнэн ыраас буолар. Иккис ырыынактан кыбартыыра атыылаһар түгэҥҥэ эрдэ кимнээх, хайдах-туох олохтоох дьон олоро сылдьыбыттара чуолкай биллибэт. Оннооҕор юридическай бэрэбиэркэни ааспытын да үрдүнэн бу дьиэ быраап-нуорма өттүнэн куттала суох буолара мэктиэлэммэт. Үсүһүнэн, саҥа дьиэлэри тутарга аныгы тэхиниичэскэй уонна инженернэй ньымалары туһаналлар. Нус-хас олоххо, табыгастаах усулуобуйаҕа талаһар дьон манна улахан суолтаны уураллар. Балары барытын учуоттаан туран, кыбартыыраны саҥа тутулла турар дьиэҕэ атыылаһар быдан ордук диибин.
Идэтийбит киһи көрүүбэр, кыбартыыраны атыылаһарга икки сүрүн өрүккэ болҕомтону уурар наада: кыбартыыраҕа бэйэтигэр уонна дьиэ тулатыгар.
Кыбартыыраттан саҕалыах. Табыллыбыт уонна табыллыбатах планировкалаах кыбартыыралар бааллар. Хос кэҥэс соҕус буолара ордук. Көрүдүөр аһара улахан буоллаҕына, кыбартыыра иэнин “сиэн” кэбиһэр. Хос геометрията табыгастаах буоллаҕына, миэбэли ханан, хайдах баҕарар туруоруохха, холкутук хамсана-имсэнэ сылдьыахха сөп. Биһиэхэ, “Ленские высоты” дьиэ-уот комплексыгар, атыылаһааччы баҕатын учуоттаан, 50-тан тахса планировка араас көрүҥэ баар. Атыы отделын менеджердэрэ килийиэн баҕатын, этиитин биһиэхэ тиэрдэллэр. Соторутааҕыта маннык түгэн буолбута. Биир атыылаһааччы саҥа тутулла турар дьиэлэргэ кыбартыыра көрдөөбүт. Барыларыгар дьиэ үрдүгэ 2,65 см эбит. Кыбартыыра курдук баһаам сыаналаах хамсаабат баайы атыылаһар баҕалаах хас биирдии киһиэхэ талар кыах баара ордук. Ким эрэ үрдүк, киэҥ-куоҥ, салгыннаах кыбартыыраны ордорор. Кимиэхэ эрэ дьиэ ыстандаарт үрдүктээх буоллаҕына, ол сөп буолар. Дьоҥҥо табыгастаах буоллун диэн, “Ленские высоты” бырайыакка кыбартыыралар үрдүктэрин 2,80 уонна 3,3 м. оҥордубут. Хоту дойду олохтоохторо болкуону буолбакка, өстүөкүлэлээх лоджиялары ордороллорун ыйыталаһан билбиппит. Лоджияҕа тахсар аан хоско буолбакка, куукунаҕа баарын ордороллор.
Дьиэ кэргэҥҥэ анаммыт улахан иэннээх кыбартыыраларбыт өссө туох уратылаахтарын билэҕит дуо?
“Улахан иэннээхтэр” диэн хоруйдуу түһүөххүт. Улахан иэннээх кыбартыыраларбыт 2-лии санузеллаах буолалларын былааннаабыппыт. Ити улахан дьиэ кэргэҥҥэ олус табыгастаах.
Аны билигин дьиэ тулатын уонна ону тупсаран оҥоруу туһунан кэпсэтиэхпит. “Ленские высоты” дьон олорор кыбартаалын тутуохпут иннинэ эрэгийиэн уратыларын сиһилии үөрэппиппит. Ол түмүгэр Дьокуускай дьиэлэригэр массыынаҕа сылаас парковка наадатын өйдөөбүппүт. Холобур, биһиги тутар дьиэбитигэр паркиҥҥа таһырдьа тахсыбакка, лиибинэн түһүөххэ сөп. Өссө биир бэлиэ түһүмэх: дьиэ тулатын тупсаран оҥоруу, хаачыстыбалаах көҕөрдүү. Бу – тутар тэрилтэлэр биир сытыы кыһалҕалара. Биһиги тутуу саҕаланаатын кытта, манна үлэлэспитинэн барбыппыт. Көҕөрдүүгэ үлэлиэхтээх хампаанньабытын кытта кэпсэтии ыытабыт. Үлэҕэ киирдэҕинэ, дьиэ тула олордуллуохтаах үүнээйилэри билиҥҥиттэн питомниктарга олордон бэлэмнээн бараллар. Олохтоохтор салгын сиир, дьаарбайар анал сирдээх буолаллара ордук. Ол курдук, “Ленские высоты” бырайыакка 1 км уһуннаах, кытыл устун сатыы дьон хаамар сирэ баар буолуоҕа.
Дьон биһиририирэ-кэрэхсиирэ диэн, биһиги 80-тан тахса % кыбартыырабыт түннүктэриттэн Өлүөнэ өрүс долгулдьуйа устарын көрүөххэ сөп. Улахан дьоҥҥо уонна оҕолорго сынньанар сир баар буолуоҕа. Оҕолор таһырдьа тахсыбакка эрэ, дьиэ иһиттэн ичигэс хосторго баран оонньуохтара. Тыйыс усулуобуйалаах хоту дойду кыһыныгар олус табыгастаах. Төрөппүттэр абыраныахтара.
Кэлин “Куорат иһигэр куорат” диэн өйдөбүл баар буолла, бу туһунан үгүстүк кэпсиибит. Биһиги аныгы олох сүүрээнин (“муодатын”) эмиэ туһанабыт. Биир сиргэ - тас сэбэрэни тупсарар 3 солуон, 3 тэҥ маҕаһыын баарын олорор дьон биһирээбэттэр. Кэмиэрчэскэй тэрилтэлэр дьон олорор кыбартаалын иһигэр тэҥник тарҕаныахтаахтар. Ол бырайыактыыр кэмҥэ оҥоһуллар. Биһиэхэ араас тэрилтэ: маҕаһыын, тас сэбэрэни тупсарар солуон, аптыака, интэриниэт-сакааһы ылар пуун уо.д.а. төрүт үмүөрүспэттэр -- дьоҥҥо-сэргэҕэ мэһэй-таһай буолбат сиргэ тураллар.
Маҕаһыыннарга уо.д.а. киирэр ааннар подьезка бэйэбитигэр баар буолалларын былааннаабыппыт. Холобур, киһи дьиэҕэ кэтэр таҥаһынан түһэн, бириэмэтин ыыппакка, түргэнник атыылаһар кыахтанар.
Санатабыт, “Ленские высоты” комплекска кыбартыыраны уурдарыаххытын сөп. Кыбартыыраны уурдарар (бронь) буоллахха, атыы-тутуу түргэнник барар.
Технология үйэтигэр олоробут. Билигин Дьокуускайга суох да дьон кыбартыыраны уурдарар кыахтаахтар. Атыы-тутуу эмиэ онлайн-ньыманан барыан сөп. Бэйэтинэн көрсөн, сүбэ-ама ылан атыылаһыан баҕарар дьону офиспытыгар күүтэбит. Билигин хас да араас ньыманы уһатан төлүүрү (рассрочканы) туһанан, табыгастаах усулуобуйаҕа кыбартыыра атыылаһар кыахтааххыт. Улахан дьиэ кэргэҥҥэ анал этиилэрдээхпит. Итиэннэ “Комплимент от Шеф-повара” диэн тус бэйэм, “Проспект” ГК генеральнай дириэктэрин, аахсыйатын туһанан, дьиэлэнэн-уоттанан дьоллонуоххутун сөп.
lenskievisoti.ru саайка киирэн эбэтэр 255-521 төлөпүөҥҥэ эрийэн атыы отделын исписэлиистэриттэн сиһилии ыйыталаһаргытыгар ыҥырабыт!
“Ленские высоты” кыбартаал – дьоллоох олох мэктиэтэ!