Өрөспүүбүлүкэбит чэчирии сайдарын туһугар үлэлээн-хамсаан, бастыҥ түмүгү ситиһии – бу биһиги ытык иэспит. Күндү дьоммут – эһэлэрбит, хос эһэлэрбит уоттаах сэриигэ кыргыһан, биһиги туспутугар эйэлээх олоҕу уһансыбыттарын хаһан да умнубаппыт, кинилэргэ сүгүрүйэбит, махтанабыт!
Сахабыт сиригэр үп-харчы эйгэтин үлэтин сайыннарыы, нэһилиэнньэҕэ бу боппуруоска сырдатыыны, үөрэтиини киэҥник тэрийии, олохтоохтор тус бэйэлэрин дохуоттарын үрдэтии – бу өрөспүүбүлүкэ биир бөдөҥ кэпэрэтиибин "Алмазкредитсервис" Кредитнэй Сойуус үлэтин сүрүн ситиһиитэ буолар.
Толорооччу дириэктэр Васильев А.М:
– Биһиги финансовай сылы түмүктээтибит, ол туһунан сыыппара көмөтүнэн кэпсээтэххэ, 2019 сыл тохсунньу 1 күнүгэр кэпэрэтиип сүрүн көрдөрүүлэрэ 2018 сыл тохсунньу 1 күнүн кытары тэҥнээтэххэ эбиллии, үүнүү бэлиэтэнэр. Кэпэрэтиип актива 25,6 %-нан үрдээтэ, (2 863 мөл. солк тэҥнэстэ), бэйэ хапытаалын сабардама 13,2 % үрдээтэ (1 327 мөл. солк. таһымҥа тиийдэ), тус бэйэ уурунуутун уопсай бартыбыала 40,2 %-нан улаатта, (1 457 мөл. солк. тэҥнэстэ), страховой пуондата 1 млрд 067 мөл. солк. буола үүннэ, сойуом бартыбыала 2 159 мөл солк тэҥнэстэ, ити былырыыҥҥы көрдөрүүтээҕэр 23,9 % үрдүк. 2004 сылтан тэриллиэхпититтэн таһымнаахтык үлэлээн кээпэрэтиип нэһилиэнньэҕэ үп-харчы өттүнэн сүрүн боппуруоһу быһаарарга көмөлөһөр, кыра уонна орто кээмэйдээх урбаан тэрилтэлэригэр эрэллээх уонна эппиэтинэстээх партнер буолар. Биһиги 24 улууска үлэлиир учаастактарбыт дьон билиниитин, махталын ылан өссө да көхтөөхтүк сайдан, олоҕу тупсарар сыаллаах сорукпутун өйдүүр саҥаттан-саҥа дьону түмэбит.
Чуолаан бу соругу сүгэр буолан, “Алмазкредитсервис” – олох-дьаһах бары эйгэтигэр саҥаны, сайдыыны, тупсарыыны өрө тутар. Айылҕа харыстабылыгар анаан ыытар тэрээһиннэрбит тустарынан үгүстэрин истибит буолуохтаахтар. Ол курдук, үһүс сылын бэйэбит көҕүлээһиммитинэн "Эко Действие" диэн өрөспүүбүлүкэтээҕи грант күрэҕин ыытабыт, үгэс быһыытынан эко-аахсыйаларга кыттабыт, тэрилтэбит иһинэн “АКС – Ийэ айылҕаҕа” диэн эко-марафон биллэрдибит. Киһини Сайыннарар Кииҥҥэ ыытар тэрээһиннэрбитин дьон-сэргэ биһириир. Онно кэлэн баҕалаах дьон бэйэни сайыннарыыга, бэйэ дьыалатын тэрийиигэ туһалаах сүбэлэри ылаллар. "Гостиная 9 муз" диэн литературнай-музыкальнай салон киэһэлэригэр, бу бырайыакпыт чэрчитинэн, ускуустуба кэрэ эйгэтин сөбүлээччилэр артыыстары уонна музыканнары кытта алтыһаллар. Биһиги үлэһиттэрбит оскуолаларга, орто уонна үрдүк үөрэх кыһаларыгар интерактивнай уруоктары, тэрилтэлэргэ презентациялары ыыталлар. Үп-харчы боппуруосугар билиилээх дьон элбииригэр бэйэбит кылааппытын киллэрэрбититтэн үөрэбит.
“Алмазкредитсервис” быйыл тэриллибиппит 15 сылын туолар, онон өрө көтөҕүллэн туран биһигинниин бииргэ үлэлэһэргэ, сайдарга-үүнэргэ ыҥырабыт!
Гаврильева Любовь Андреевна, паайдаах, Амма:
– Мин бастаан 2011 с. алтынньытыгар тус бэйэ уурунуутун бырагыраамматын арыммытым. Дохуоппун үрдэтэр барыстаах усулуобуйатын уонна усулуобуйата табыгастааҕын, эрэллээҕин, дьону кытта үлэ түргэнин сөбүлүүбүн. “Алмазкредитсервис” көмөтүнэн Дьокуускайга уонна Аммаҕа кыбартыыра ыларга харчы мунньуннум, ыра санааларым олоххо киирдилэр! Өрөспүүбүлүкэ олохтоохторун “Алмазкредитсервис” барыстаах өҥөлөрүнэн туһанаргытыгар ыҥырабын!
Түгэнинэн туһанан, Улуу Кыайыы күнүнэн ытыктабыллаах паайдаахпытын, сэрии бэтэрээнин Егор Семенович Николаевы эҕэрдэлиибит! Бу эйэлээх олоххо үөрэ-көтө олорон, көҥүллүк айа-тута сылдьарбыт иһин барҕа махталбытын тиэрдэбит! Чугас дьонуҥ истиҥ тапталларыгар бигэнэн, уһуннук, дьоллоохтук олороргор баҕарабыт!