Челябинскай уобалаһыгар баар Миасс куоракка (нэһилиэнньэтэ — 151 тыһ.) ким да мээрдиэн баҕарбат. Ол курдук, быыбар буолара субу аҕыйах хонук хаалла эрээри, онно ким да хандьыдаакка регистрациялана илик. Сураҕа, докумуоннары атырдьах ыйын 20 күнүгэр диэри хомуйаллар үһү.
Кэнники 10 сыл иһигэр Миасс куоракка уонча мээр уларыйда. Олор сорохторо билигин хаайыыга сыталлар. Быйыл от ыйыгар куорат мунньаҕын дьокутааттара саҥа мээри талалларыгар, аҥаардарыттан ордуга, кинини абааһы көрөн бүлүтүөннэрин буортулаан кэбиспиттэрэ.
Миасс бүтэһик мээрэ Геннадий Васьков быйыл ыам ыйыгар “боломуочуйатын аһара туһанан”, оҕо саадын тутууга анаммыт харчыны апчарыйан, хаайыллыбыта.
Хата, ким да Миасска мээрдии барыан баҕарбат дуо? Бу билигин Дьокуускай куорат мээрин быыбарыгар “анньыһа” сылдьар дьонтон ким эрэ онно баран холонон көрүөн сөп эбит. Туох билиэй, баҕар, утарсааччы суоҕунан туһанан уонна “соһутан” талыллан да хаалыахха сөп.
