Анисия Гаврильевна Габышева (Ноева) 99 саастаах
-
-
1923 сыл сэтинньи 28 күнүгэр Чурапчы улууһун Кытаанах нэһилиэгэр орто сэниэ Ноевтар диэн саха ыалыгар күн сирин көрбүтэ. Быйыл сэтинньи 28 күнүгэр бу ойор күннээх, ойдом ыйдаах орто дойдуга олорбута биир үйэ - 100 сааһа буолуохтаах.
Олоҕун кэрдиис кэмнэрэ
1931с. Сылан начаалынай оскуолатыгар үөрэнэ киирбитэ.
1933-39 с.с. Кытаанах 7 кылаастаах оскуолатын туйгуннук үөрэнэн бүтэрбитэ.
1939 с. Чурапчытааҕы педучилищеҕа туйгун үөрэнээччи буолан, тургутуга суох үөрэнэ киирбитэ уонна 1943 с. үөрэҕин ситиһиилээхтик бүтэрэн учуутал идэтин ылбыта.
1943-1944 сс. Хатылыга учууталынан анаммыта.
1944-1945 сс Одьулууҥҥа учууталлыыр.
1945-1951 сс. 2-с Мэлдьэхси оскуолатыгар үлэлээбитэ.
1947 с. Габышев Георгий Романовичтыын ыал буолаллар, 5 оҕолоноллор.
1952 - 1977 сс. Дириҥ орто оскуолатыгар бочуоттаах сынньалаҥҥа тахсыар диэри ситиһиилээхтик үлэлээбитэ.
1978 сылтан үлэ - тыыл , педагогическай үлэ бэтэрээнэ.
Нэһилиэк хас да төгүллээх дьокутаата, дьахтар кэмитиэтин бэрэссэдээтэлэ. 1960-с сылларга Саха сирин учууталларын састаабыгар киирэн, Москуба-Казань куораттарынан бастыҥ учууталлар уоппуттарын кытта билсэн кэлэр, ылбыт билиитин-көрүүтүн кэллиэгэлэригэр кэпсиир, үлэтигэр ситиһиилээхтик туһанар.
Наҕараадалара:
1946 с. – “За доблестный труд и самоотверженный труд в период Великой Отечественной войны 1941-1945 гг.” Сталин мэтээлинэн наҕараадаламмыта (359408)
Кыайыы күнүгэр аналлаах 30-60-65-75 үбүлүөйдээх бэлиэлэринэн наҕараадаламмыта.
1970 с «За доблестный труд в ознаменование 100-летия со дня рождения В.И. Ленина» диэн мэтээлинэн наҕараадаламмыта.
2012 с “Учууталлар учууталлара” диэн бэлиэни ылар.
2018 с. “Көмүс түгэн “ (“Золотое мгновение”) диэн аҕам саастаахтарга аналаах бэстибээлгэ алгыс ырыатын толорон, Гран-При хаһаайкатынан буолбута уонна “Абырал” санаторийга босхо путевканан наҕараадаламмыта. Оччолорго кини 95 саастааҕа.
2019 с. Москубаҕа олорор сиэннэригэр, хос сиэннэригэр 96 сааһыгар күүлэйдии бара сылдьыбыта.
2019 - 2021сс. Кыайыы күнүгэр Дойду бэрэсидьиэнэ В.В. Путинтан эҕэрдэ суруктарын туппута.
2020 с. Саха НКИХ ханаалыгар “ Сэһэн сирэ” (С. Плотникова) диэн биэриигэ ситиһиилээхтик кыттыбыта.
2021 с. Чурапчы улууһун Хоптоҕо нэһилиэгин бочуоттаах олохтооҕо буолбута.
2022 с. СӨ Ытык кырдьаҕаһа буолбута.
Үөрэппит оҕолорунан киэн туттар:
Саха биллиилээх худуоһунньуга Афанасий Мунхалов, балерина Наталья Посельская, биллэр спортсмен Петр Посельскай, суруйааччы Дмитрий Диринскэй, норуот маастара Елена Капитонова, үтүөлээх учуутал Далбаева Татьяна Константиновна, Муусука үрдүкү оскуолатын урукку ректора Иван Наумов, СӨ Счетнай палататын салайааччытынан үлэлээбит Егор Марков уонна да атыттар...
Анисия Гаврильевна курдук сайаҕас санаалааах, кэрэни элбэтэр, үтүөнү үксэтэр баай дууһалаах ийэлэр, эбэлэр, хос эбэлэр, учууталлар баар буоланнар, бу орто дойду олоҕо сирэм күөҕүнэн симэнэр, сырдыгынан сыдьаайар, сайдар-үүнэр сайаҕас ыччакка олох дьикти кистэлин бэлэхтээн киһи киһитэ буоларга инники эрэли үөскэтэр.
Сэҥээриилэр