Егор Никитич Жирков 91 саастаах
-
-
1932 с. ыам ыйын 2 күнүгэр Уус Алдан улууһун Дүпсүн нэһилиэгэр Мэхээлэ үрүйэтэ диэн учаастакка төрөөбүт. 1940 с. оскуолаҕа киирэн 1949 с. 7 кылааһы бүтэрбит.
Ийэтэ 2 ыйдааҕар өлөн, Копырин Николай Самсонович кэргэнинээн Ирина Васильевналыын 5 сааһыгар диэри ииппиттэр. Төрөппүт аҕата Жирков Никита Григорьевич иккис кэргэннэнэн баран бэйэтигэр ылбыт.
Оскуола кэнниттэн бастакы үлэтин Бороҕонтон саҕалаабыт.
1957 с. аармыйаҕа ыҥырыллан "Челябинская 40" (Секретные войска) диэн чааска сулууспалаабыт.
1961 с. Мэҥэ-Хаҥаласка Майа сэлиэнньэтигэр кэлэн кочегарынан үлэлээбит.
1976 с. олоҕун аргыһын Светлана Тимофеевнаны көрсөн Төҥүлүгэ олохсуйбут. Ол сыл Горькай сопхуоска нуормаһытынан биэнсийэҕэ тахсыар диэри үлэлээбит.
1987 с. тус баҕатынан Төҥүлү орто оскуолатыгар хайыһар тириэньэринэн үлэлээбит. Эрчийбит оҕолоро бары үрдүк ситиһиилээхтэр.
5 оҕону атахтарыгар туруоран, билигин 18 сиэн, 12 хос сиэн амарах эһээтэ буолан олорор.
Санааҕын суруй