Христофор Степанович Ефимов 93 саастаах
-
-
Верхоянскай оройуонугар 1930 сыллаахха табаһыттар дьиэ кэргэннэригэр 4-с оҕонон күн сирин көрбүтэ. Төрөппүттэрэ таба иититинэн дьарыгырар буоланнар, кини эмиэ табаһыт идэтигэр оҕо эрдэҕиттэн уһуйуллубута.
Аҕа Дойду сэриитэ саҕаламмытыгар Верхоянскайтан Эндыбалга көһөн кэлэннэр, үлэлэрин салҕыыллар. Кырабын диэбэккэ, дьонун кытта тэҥҥэ үлэ үөһүгэр сылдьар, табаһыттыыр.
"Ыарахан кэмнэр этэ, арыт аһаабакка, утуйбакка үлэлиир этибит", - диэн билигин ытык кырдьаҕас саныыр.
Христофор Степанович Сэбээн Күөлгэ табаһытынан үлэлээбитэ номнуо 80 сыл буолла. Элбэх хайҕал, махтал сурук хаһаайына. Тыа хаһаайыстыбата, таба иитиитэ сайдарыгар сүдү кылаатын уурбутун туоһулуур мэтээл, уордьан наҕараадалардаах.
Хомойуох иһин, дьиэ кэргэн тэриммэтэҕэ, ол да буоллар чугас дьоно аттыгар өрүү бааллар. Олоҕун олоччу үлэҕэ анаабыт киһи буолар.
Билигин Христофор Степанович өссө да сэнэх, үтүө санаата, сэмэй майгыта кэлэр көлүөнэҕэ, эдэр ыччакка үтүө холобур буолар. Нэһилиэк бочуоттаах олохтооҕо.
Санааҕын суруй