Киир

Киир

  2. Күрэхтэр
  3. «Ытык кырдьаҕас»
  4. Кыттаччылар
  5. Харитина Михайловна Ефимова 92 саастаах
Төнүн

Харитина Михайловна Ефимова 92 саастаах

Харитина Михайловна Ефимова 92 саастаах
Харитина Михайловна Ефимова 92 саастаах
  • 1931 сыл от ыйын 14 күнүгэр Үөһээ Дьааҥы оройуонун Арыылаах нэһилиэгэр төрөөбүтэ.

    Оччотооҕу олох сиэринэн 4 кылаас үөрэхтээх. Эдэр эмньик саастарыгар, билигин сотуллубутун да иһин, «Комсомол» диэн ааттаах улуу Ленин төрүттээбит ыччатын сойууһугар чилиэн эрэ буолбакка, эдэр ыччаты түмэ тардан ыччат ферматын салайсыбыт улахан өҥөлөөх. Онно үрдүк ситиһиилээх үлэтинэн барыларыгар холобур буолара.

    1950 сылтан саҕалаан 32 сыл устата колхуоска, сопхуоска ыанньыксытынан тиһигин быспакка үлэлээбитэ. Ол кэминээҕи ыччаты үлэҕэ үөрэппитэ-такайбыта. Коммунистическай үлэ ударнига, пятилетка ахсын чөмпүйүөн ыанньыксыта. Киһи ааҕан сиппэт элбэх наҕараадалаах.

    1953 с. Ефимов Дмитрий Николаевичтыын ыал буолан 8 (4 кыыс, 4 уол) оҕону төрөтөн атахтарыгар туруорбуттара,үөрэхтээбиттэрэ. Баар-суох тумус туттар аҕалара, 80 сааһын туолан баран ыалдьан, олохтон туораабыта.

    Билигин тапталлаах ийэлэрэ, элэккэй эбээлэрэ Дьокуускай куоракка кыра кыыһыгар Мария Дмитриевнаҕа, 13 сиэн, 18 хос сиэн тапталларыгар уйдаран, 93 сааһыгар дьоллоохтук олорор.

    «Үлэлээбит кэмнэриҥ, ситиһиилэриҥ сиэннэргэр, хос сиэннэргэр өрүү холобур буолуоҕа» диэн чугас дьоно киэн тутта, сүгүрүйэ суруйаллар.

    Харитина Михайловна күүһүн-уоҕун, сыратын, олоҕун бүтүннүүтүн улууһун, нэһилиэгин тыатын хаһаайыстыбатын сайдыытыгар анаабыт киһи буолар. Ону барытын элбэх туоһу суруктара, наҕараадалара, мэтээллэрэ, уордьаннара туоһулууллар:
    • Орден «Материнская слава» 2 степени, 1970 с.
    • Медаль «За доблестный труд в ознаменование 100-летия со дня рождения В.И. Ленина», 1970 с.
    • Медаль «За трудовое отличие», 1973 с.
    • Знак «Ударник девятой пятилетки», 1975 с.
    • Орден «Трудовая Слава» 3 степени, 1977 с.
    • Знак «Победитель социалистического соревнования 1977 года»
    • Знак «Победитель социалистического соревнования 1978 года»
    • Медаль «Ветеран труда», 1984 с.
    • Удостоверение «Почетный гражданин Верхоянья», 1990 с.
    • Удостоверение «Почетный гражданин» Арылахского наслега, 2014 с.
    • Знак «Почетный старейшина РС (Я)», 2017 с.
    • Удостоверение «Дети-войны», 2019 с.
    • Удостоверение «75 лет Победы в ВОВ» Президента РФ, 2020 с.
    • Удостоверение «75 лет Победы в ВОВ» главы Усть-Алданского улуса, 2020 с.
    • Удостоверение «75 лет Победы в ВОВ» администрации 2-Легойского наслега Усть-Алданского улуса, 2020 с.
Инники Салгыыта

Санааҕын суруй