Георгий Ксенофонтович Оросутцев 92 саастаах
-
-
1931 сыл алтынньы 27 күнүгэр Үөһээ Бүлүү оройуонун Ороһу нэһилиэгэр төрөөбүтэ.
Оҕо уонна эдэр сааһа ыараханнык ааспыта. Ийэлэрэ 47 сааһыгар суох буолан, аҕалара аҕыс оҕотунуун аҥаардас хаалбыта. Ол да буоллар, барыларын кыһамньылаахтык иитэн улаатыннарбыта. Иккиһин кэргэннэммэтэҕэ.
Георгий Ксенофонтович 1962 сыллаахха Саха судаарыстыбаннай университетын бүтэрбитэ. Үлэтин 1954 сыллаахха Эдьигээн орто оскуолатыттан саҕалаабыта. 1951-1954 сс. Сэбиэскэй Аармыйа кэккэтигэр сулууспалаабыта.
1980 сыл кулун тутар 5 ыйыттан оперативной отделга ыстаарсай агрохимигынан үлэҕэ ылбыттара. Тыа хаһаайыстыбатын эйгэтигэр үлэтин ыстааһа – 17 сыл. Сири оҥоруу департаменын үлэһиттэрин ахсаанын сарбыйыы кэмигэр 1997 с. бочуоттаах сынньалаҥҥа барбыта.
1968 сылтан олоҕун аргыһа Октябрина Степановнаны кытта ыал буолан 55 сыл устата өйдөһөн-өйөһөн олороллор. Икки оҕолоохтор. Кыыстара Туйаара – РФ доруобуйа харыстабылын туйгуна, уоллара Георгий – юрист.
Георгий Ксенофонтович үтүө суобастаах үлэтин уонна уопсастыбаннай олоххо көхтөөх кыттыытын иһин Дьокуускай к. уокуруктааҕы дьаһалтатын бочуоттаах грамоталарынан уонна мэтээллэринэн наҕараадаламмыта.
Наҕараадалара:
• Өрөспүүбүлүкэтээҕи «Якутсельхозхимия» холбоһук бочуотунай грамотата, 1981 с.
• «Үлэ бэтэрээнэ», 1984 с.
• ГО штабын үрдүк таһымнаахтык бэлэмнээбитин уонна көхтөөх үлэтин иһин Махтал сурук, 1987 с.
• Улуу Өктөөп өрөбөлүүссүйэтэ буолбута 70 сылынан эҥкилэ суох уһун үлэтин иһин Махтал сурук, 1987 с.
• «СӨ Ытык кырдьаҕаһа» бэлиэ, 2016 с.
Санааҕын суруй