Мария Кирилловна Васильева 91 саастаах
-
-
1932 сыллаахха Маар Күөл нэһилиэгэр Васильев Кирилл Антонович уонна Иванова Дарья Семеновна диэн ыалга бэһис оҕонон күн сирин көрбүтэ. Бииргэ төрөөбүт 10-нар.
Сэрии аччык кэмнэригэр, оҕо оҕо курдук оонньообокко, улэни өрө тутан улааппыта. Бииргэ төрөөбүттэрэ кэпсииллэринэн, дьиҥ сааһа – 93. Урут хас да көстөөх сиргэ олорор буоланнар, оҕо төрөөтөҕүнэ тутатына киин сиргэ киирэн ааттаабаттар, суруйтарбаттар эбит, ол иһин чопчу бу сылга төрөөбүтүм диэн билбэт буолан, пааспар ыларын саҕана «оннук быһыылаах этэ» диэн икки сылынан кыччатан, 1932 сыл от ыйын 1 күнэ диэн суруйтарбыт дииллэр. Кини төрөөбүт ыйа күөх маай диэн өйдүүллэр эбит.
Мария Кирилловнаны норуокка «Повар Маайанан» билэллэр. Кини саха фольклорун - чабырҕаҕы эдэр эрдэҕиттэн сөбүлүүр. Билигин да эт диэтэххэ, билэрин өйүттэн ылан чабырҕатан кэбиһэр. Икки уол оҕолоох, аҕыс сиэннээх, 11 хос сиэннээх.
Сунтаар улууһун уонна Аллыҥа нэһилиэгин Бочуоттаах олохтооҕо, тыыл бэтэрээнэ, сэрии кэмин оҕото, сыана бэтэрээнэ.
Санааҕын суруй