Забайкальскай кыраай Каларскай оройуонугар булчуттар Германияттан сылдьар турист дьахтары буллулар. Кини соҕотоҕун Чара өрүһүнэн Саха сирин диэки айаннаан испит. Тыыта түҥнэстэн үс күн тайҕаҕа сылдьыбыт.
Дьахтар уу туризмыгар успуорт маастара эбит. Чара бөһүөлэгиттэн быһа холоон 50 км тэйиччи тыыта түҥнэстибит. Туох баар малын-салын, харчытын, докумуоннарын, таҥаһын-сабын сүтэрбит. Оннук үс күнү быһа тайҕаҕа сылдьыбыт. Дьолго булчуттары көрсөн быыһаммыт. Билигин кини Чара бөһүөлэгэр кыбартыыраҕа олорор. Аймахтарын кытта билсэн дьоно харчы ыыппыттар. Аны Германия консульствота саҥа докумуон ыытарын күүтэр.
