Ыам ыйын 18 күнүнээҕи туругунан, Дьокуускай куорат, Уус Алдан уонна Хаҥалас улуустарын территориятыгар бастакы ойуур баһаардара бэлиэтэнэллэр. Бу туһунан эрэгийиэннээҕи ЫБММ пресс-сулууспата иһитиннэрэр.
Уопсайа 10 гектардаах сиргэ уот күүдэпчилэнэр. Тыа уотун умулларыыга уопсайа 39 киһи уонна 4 тиэхиньикэ үлэлиир. Исписэлиистэр ойуур уотун умулларыыга сөптөөх көмүскэли тэрийбиттэр, нэһилиэнньэлээх пууннарга уонна экэниэмикэ эбийиэктэригэр куттал суоһаабат.
