Быыстала суох ардахтар кэннилэриттэн, Оччугуй Ботуобуйа үрэх хаатыттан таҕыста, ол түмүгэр понтуон муоста уһунна. Онон Сунтаар, Ньурба, Бүлүү диэкиттэн Мииринэйгэ кэлээччи, Дьокуускай диэки айаннааччы суоппардар, пассажирдар маны учуоттуургут оруннаах.
Бу күннэргэ Мииринэй оройуонугар улаханнык ардаата. Ол түмүгэр, үрүйэлэр, от үрэхтэр уулара туолла. Оттон “Бүлүү” федеральнай суолун биир суолталаах тоҕойугар – МУАДы туорааһыҥҥа кэккэ күчүмэҕэйдэр үөскээтилэр. Көлө хаайтарыыта буолла. Оччугуй Ботуобуйа икки өттүттэн киирии сирдэри уу ылла. Понтуон күүстээх уу кимиитин тулуйбакка, эмиэ күөрэ-лаҥкы барда.
Онон быйыл бүтэһигин сулууспалыыр понтуон, салгыы уу дэбилгэнэ күүһүрэр түбэлтэтигэр, букатыннаахтык ыһыллар кутталланна.
Дьиҥэ, понтуон ханнык баҕарар дириҥ ууга ууруллуохтаах тэриэбэ буолуохтаах этэ дии! Тоҕо маннык хаарбах понтуону туттан айанньыттары эрэйдээтилэр?
Станислав Алексеев, Мииринэй куората.
