2020 сылга Саха сиригэр 36 төгүл ньиэп тохтуутун исписэлиистэр бигэргэппиттэр. Бу туһунан Айылҕа харыстабылын министиэристибэтин пресс-сулууспата суруйар.
Ньиэп тохтуутун түмүгэр 7720,054 кв.м. иэннээх сир киртийбит. Саамай элбэхтэ суол быһылаанын түмүгэр ньиэп тохтор эбит – быйыл 10 массыына түҥнэстэн ньиэби сиргэ тохпут, муус анныгар бэнсиин тиэммит 6 массыынна барбыт. Уопсайа 1,5 мөл. суумалаах 35 ыстыраабы суруйбуттар.
