Үөһээ Дьааҥы оройуонугар Верхоянскай уонна Остуолба бөһүөлэктэр икки ардыларыгар суолга айанньыттар үрүҥ эһэни көрдүлэр.
“Хайдах кини манна баар буолан хаалла?”, -- диэн аарыманы суотабай төлөппүөҥҥэ видеоҕа уһулбут дьон соһуйаллар-өмүрэллэр. Суоппар адьырҕаны алҕас таарыйбат туһуттан туоратаары сигналлыы сатыырын эһэ кыһаммакка иннин хоту сүүрэн иһэрин айанньыттар эмиэ дьиибэргии көрбүттэр.
Саха сиринээҕи Экология министиэристибэтэ соһуччу иһитиннэриини болҕомтоҕо ылан хайыы-үйэ бэрэбиэркэ үлэтин ыыта сылдьар. Экология, айылҕа харыстабыла уонна тыа хаһаайыстыбатын миниистирэ Сахамин Афанасьев сабаҕалааһынынан, баҕар трассаҕа хагдаҥ эһэ көстөн ааспыта буолуо, фара чаҕылхай уотугар сандааран көстөн.
