Нэдиэлэ бүтүүтэ Саха сиригэр сөрүүдүйүөҕэ, сорох сирдэринэн быстах ардахтар түһүөхтэрэ. Бу туһунан Гидрометеокиин Саха сиринээҕи Управлениетын начаалынньыгын солбуйааччы Татьяна Маршалик иһитиннэрэр.
"Бастаан от ыйын 8 күнүгэр арҕаа, от ыйын 9 күнүгэр киин улуустарга салгын температурата түһүөҕэ, манан тымныы фронт ааһыаҕа, сорох сирдэринэн этиҥнээх ардах түһэрэ күүтүллэр", - диэн Маршалик билиһиннэрэр. Кини этэринэн, ол кэннэ эмиэ куйаас күннэр туруохтара, ол эрээри ааспыт ыйдааҕар баҕас сөрүүн буолуоҕа. Гидрометеокиин от ыйа Саха сиригэр саамай ичигэс ый буолуоҕа диир. Орто температура үгүс улуустарга быһа барыллаан ичигэс буолуоҕа (15-19 кыраадыс), оттон муҥутуур орто температура өрөспүүбүлүкэҕэ +20 буолуоҕа.
