Саха сиринээҕи Гидрометцентр синоптиктара тиэрдэллэринэн, от ыйын 21 күнүгэр, Дьокуускай куоракка этиҥнээх ардах түһэрэ күүтүллэр, салгын температурата 26 кыраадыс тиийэ куйаарыаҕа.
«От ыйын 21 күнүгэр, түүн сөҥүү түһэрэ күүтүллүбэт, күнүс этиҥнээх ардах түһүө, тыал соҕуруулуу-арҕааттан сөкүүндэҕэ 3-8 миэтэрэ түргэннээх үрүөҕэ, күнүс арҕааттан 5-10 миэтэрэҕэ түргэннээх тыалырыа, этиҥ этэр кэмигэр 15-20 миэтэрэҕэ тиийэ күүһүрүө», - диэн этиллэр иһитиннэриигэ.
Салгын температурата Дьокуускайга, сэрэдэ үүнэр түүнүгэр 17-19 кыраадыс сылаас буолуоҕа, күнүһүн муҥутаан сылыйбыт кэмигэр 24-26 кыраадыска тиийэ итийиэ.
Бүгүн күнүс 15:00 Дьокуускай куоракка, 25 кыраадыс куйаас бэлиэтэммитэ.
