2024 сылга диэри Хаҥалас улууһун Улахан Ааныгар Дьокуускайдааҕы хатыыһы-балыгы иитэр собуоту тутан киллэрэр былааннаахтар. Бу туһунан Экология министиэристибэтэ иһитиннэрэр.
Эбийиэк бырайыактыыр докумуонун оҥорорго куонкуруһу "Дом" диэн архитектурнай-тутар тэрилтэ кыайбыт. Кинилэри кытары номнуо судаарыстыбаннай хантыраак түһэрсиллибит. Бырайыагы оҥоруу уонна тутуу барыта федеральнай бүддьүөттэн үбүлэниэҕэ. Собуот тутуллан киирдэҕинэ, Өлүөнэ бассейыныгар сыаналаах балыктары ускуустубаннайдык буоһатан ыытыахтара. Сылга өрүскэ 3 мөл. майаҕаһы уонна биир оччо хатыыһы ыытыахтара.
