БТО диэн бойобуой террористическай тэриллии үс кыттыылааҕын туппуттар. Кинилэр 2003 сыллаахха икки атын омук бэрэстэбиитэлин өлөрбүттэрэ биллэр.
Сиэртибэлэртэн биирдэстэрэ Герцен аатынан үнүбэрсиэккэ устудьуоннуу сылдьар нанай уола Сергей Бельды буолар. Кинини, саҥа дьыл иннинэ киэһэ 18.00 чаас саҕана уопсайыгар киирэн истэҕинэ, хара таҥастаах уонтан тахса скинхед саба түһэн сэймэктээбиттэр. Сиэхситтэр уолчаан этигэр 68 быһах суолун хаалларбыттар. Ийэлээх аҕата эмиэ бу үөрэх кыһатын бүтэрбит, бу уопсайга олорбуттар эбит.
Арассыыйа киин телеграм-ханаалын суруйуутунан, өлөрүөхсүттэртэн үс киһи тутуллубут. Бу - 36 cаастаах Андрей Романов (уруккута Костраченков, хос аата «Ариец»), 37 саастаах Роман Орлов уонна 38 саастаах Денис Бураков (уруккута Харчев, хос аата «Пэри»). Бары хаста даҕаны киһини өлөрүүгэ, сэрии сэбин сокуоннайа суохтук туттууга уонна бандьыыттааһыҥҥа сууттана сылдьыбыттар. Омугунунан көрөн дьон тыынын быһар соруктаах тэриллии бас киһитэ - 38 саастаах Алексей Воеводин эрдэ тутуллан «Полярная сова» холуонньаҕа үйэтин моҥуур больдоххо ыытыллыбыт.
Сонун төрдө: РЕН-ТВ, 112 телеграмм-ханааллар
