От ыйын 3 күнүгэр СӨ Үрдүкү Суута урукку Ис Дьыала миниистирэ Яков Стахов ыам ыйын 7 күнүгэр Дьокуускай куораттааҕы суут РФ ХК 159 ыст. 3 ч. 4 сыл усулуобунай болдьохтоох, 2,6 сыл кэтээн көрүүгэ сылдьарга, итиэннэ “полиция генерал-майора” анал аатын быһарга уураахтаабытын сөпсөспөккө ааһыммыт дьыалатын көрдүлэр.
Сууттанааччы Стахов куораттааҕы суут бириигэбэрэ сокуоннайа суоҕунан, көтүрэргэ диэн туруоруста. Албакааттара эмиэ “Стахов олоччу буруйа суох” диэн этэн көрдүлэр.
Онуоха Саха сирин Үрдүкү суутун холуобунай дьыалаларга суут кэллиэгийэтэ матырыйаалы үөрэтэн, өрүттэри истэн баран, куораттааҕы суут бириигэбэрин оннунан хаалларда.
Суут видеоконференц сибээһинэн барда.
