Аллараа Бэстээххэ калифорнийскай щитовкалаах буортулаах дьаабылакалары буллулар. Бу туһунан Россельхознадзор өрөспүүбүлүкэтээҕи управлениета иһитиннэрэр.
60 кг сибиэһэй дьаабылакалары Киргизияттан аҕалбыттар. “Экспертизэни Иркутскайдааҕы ветеринарнай лаборатория ыытта. Буортулаах дьаабылакалары суох оҥордулар”, — диэн иһитиннэриигэ суруллар. Урбаанньыт административнай эппиэтинэскэ тардылынна.
Калифорнийскай щитовка (Quadraspidiotus perniciosus Comst.) — диэн элбэх дьааттаах буортулааччы. 150 тахса култуура үүнээйини алдьатыан сөп. Киһиэхэ улахан куттала суох.
