Булуҥ оройуонун олохтооҕо дьахтар 300 тыһ солк харчылаах суумкатын уордарбыт.
Уоруу дьахтар аймахтарын дьиэтигэр Тиксиигэ буолбут. Кини онно үлэтиттэн (вахтовайтан) сынньана кэлэ сылдьыбыт. Суумкатыгар малын-салын кытта 360 тыһ солк илдьэ сылдьыбыт. Бу уорууга дьахтар билэр дьоно, эрдэ сууттана сылдьыбыт Тиксии олохтоохторо, 27 уонна 29 саастаах эр дьон кыттыгастаахтара биллибит. Кинилэр ол кэмҥэ эмсэҕэлээбит дьахтар аймахтарыгар ыалдьыттыы сылдьыбыттар. Онно дьахтар суумкатыгар харчылааҕын көрбүттэр. Суумканы уоран баран 300 тыһ солк аҥардаспыттар уонна икки аҥы куоппуттар. Биир уоруйаҕы Булуҥ оройуонугар оттон иккис киһини Дьокуускайга туппуттар. Холуобунай дьыала тэриллэн билигин биирэ изоляторга сытар.
