Атырдьах ыйын 26 күнүгэр тыраанспар полициятын үлэһитэ Айтал Томскай үлэтиттэн барбытын туһунан үгүс СМИ суруйбута.
Онтон ыла кини туһунан туох да сурах биллэ илик. Можайскай уулуссатыгар баар дьиэтигэр сылдьан таҥаһын уларыттыбытын уонна истиэнэҕэ суруйан хаалларбытын туһунан барыллааһын баар. Кэлин социальнай ситимнэр нөҥүө кинини Федора Попова уулусса оройуонугар көрбүттэрин туһунан сурах тарҕаммыта.
“Полицейскайы көрдүүр үлэ ыытыллар. Кинини булбуттарын эбэтэр бэйэтигэр тиийиммитин туһунан сурах чахчыта биллибэт иһитиннэрии буолар”, – диэн тустаах уорган пресс-сулууспата иһитиннэрэр.
