Киирии

Киирии

Дьокуускай куорат биир кыбартыыратыгар холодильник иһиттэн эттэммит киһи өлүгүн буллулар. Быһылаан чахчытынан холуобунай дьыаланы көбүттүлэр. Бу туһунан Силиэстийэлиир кэмитиэт Саха сиринээҕи салаатын пресс-сулууспата иһитиннэрэр.

Барыллаан силиэстийэ быһаарбытынан, уорбаланааччы балаҕан ыйын 1 күнүгэр этиһэн баран утарсааччытын кырбаан өлөрбүт. Накаастабылы ыларыттан куттанан өлүгү эттээбит уонна холодильнигар харайбыт.

“Эр киһи өлүгүн 202-с түөлбэҕэ баар кыбартыыраттан балаҕан ыйын 4 күнүгэр уорбаланааччы табаарыстара булан тыллаабыттар”, - диэн Силиэстийэлиир кэмитиэт иһитиннэрэр.

Киһини өлөрүүгэ уорбалаан өлүөхсүт 34 саастаах бииргэ арыгыласпыт табаарыһын туппуттар. Кинини СИЗОҕа утаардылар. Холуобунай дьыала салгыы силиэстийэлэнэр.

Тарҕат:

Комментарии

Защитный код Обновить