Войти

Войти

СӨ Национальнай художественнай мусуойун үс үлэһитэ улахан суумаҕа массыанньыктааһыҥҥа буруйданаллар. Кинилэри 2-3 сылга уопсай эрэһиимнээх холуонньаҕа ыытар туһунан миэрэ ылылынна. Бу туһунан СӨ прокуратуратын пресс-сулууспата иһитиннэрэр.

Суут быһаарбытынан бу дьон 2014 сыл ахсынньыттыттан 2017 сыл ыам ыйыгар диэри буруй оҥорбуттар. Кинилэр мусуойга үлэлээбэт аймахтарын, чугас дьоннорун счетугар харчы ыыта олорбуттар. Ону таһынан, хамнастарын үрдэппиттэр. Ол түмүгэр бүддьүөттэн уоруу суумата 38 мөл 930 тыһ тахса солк тэҥнэспит.

Суут бириигэбэринэн биир буруйдаах 2013 сыл ахсынньытыттан 2014 сыл сэтинньи ыйыгар диэри, служебнай балаһыанньатын туһанан бэйэтигэр үрдүк хамнаһы суруна олорбут. Оннук гынан 1 мөл тахса солк уорбут.

Икки буруйдаах 4 413 500 солк төнүннэрбиттэр. СӨ прокуратурата буруйдаахтартан 35 мөл тахса солк төлөтөр туһунан суукка ирдэбил түһэрдэ. Быһаарыы сокуон күүһүгэр киирэ илик, онон ааһыныахтарын сөп.

ysia.ru

Тарҕат:

Комментарии

Защитный код Обновить