Войти

Войти

Москуба куоракка хоруона-вирустан кэлин биэс киһи өлбүт. Бу туһунан суһал штаб Тelegram-ханаалыгар иһитиннэрэр.

Өлбүт дьон 61-74 диэри саастаахтара биллэр. Кинилэр кардиосклероз, гипертоническай, сахарнай уонна тыҥаларынан дьарҕа ыарыылаахтар эбит. Ону таһынан биир дьахтар искэн ыарыылааҕа биллибит. Ааспыт оптуорунньукка Москубатааҕы суһал штаб биэс киһи өлбүтүн туһунан иһитиннэрбитэ. Билиҥҥи туругунан Москубаҕа хоруона-вирустан 11 киһи, оттон дойду үрдүнэн 17 киһи өлбүт. Москубаҕа уопсайа 1613 киһи ыалдьыбыта биллэр, олортон 70 киһи үтүөрбүт.

РФ Доруобуйа харыстабылын министиэристибэтэ иһитиннэрэринэн, бу ыарыы ордук саастаах дьоҥҥо улахан кутталы үөскэтэр. Министиэристибэ сүрүн гериатра, Арассыыйатааҕы геронтологическай научнай-клиническай киин дириэктэрэ Ольга Ткачева этэринэн,  саастаах дьон иммунитеттара мөлтөөн бу ыарыыга бэринэллэр.

news.ykt.ru/

Тарҕат:

Добавить комментарий

Бүтэһик сонуннар