Киирии

Киирии

Оҕо бэрээдэги кэһиитэ кыраҕытык кэтэнэр. Ол курдук, 2018 сыл бастакы кыбаарталыгар 60 буруйу оҥоруу бэлиэтэммит. “Дьокуускайдааҕы” ИДьМ МУ салайааччыта Николай Кульбертинов этэринэн, буруйу кэспит оҕолор улахан аҥаардара “киэһээҥҥи оскуола” диэҥҥэ булсан куодуруспуттар.

“Дьокуускайга бэрээдэги кэспит сокуоннай саастарын туола илик оҕолор улахан аҥаардара үөрэх киинигэр билсэллэр. Кинилэри онно мөлтөх үөрэхтэрин, көтүтүүлэрин, бэрээдэги кэһиилэрин иһин үөрэнэр оскуолалара ыытар. Холобур, үөрэх киинигэр 315 оҕо сылдьарыттан, 71-рэ полиция учуотугар турар”, – диир полиция начаалынньыга.

Николай Кульбертинов этэринэн, буруйу оҥоруу аҕыйыырыгар киэһээҥҥи оскуолаҕа сыһыан уларыйыахтаах. “Киэһээҥҥи оскуоланы сабар туһунан эппэппин. Итинник оскуола баар буолуохтаах. Ол гынан баран, үөрэх кыһалара “уустук оҕону” кытта дьарыктаныахтарын оннугар, ити курдук анал оскуолаҕа ыытан кэбиһэллэр. Сыыһата-алҕаһа итиннэ сытар. Биһиги ол туһунан элбэхтик этэбит. Хайдахтаах да оҕону “атааран” кэбиспэккэ, кинини кытта биир тылы була сатаныллыахтаах. Үчүгэй, үтүө эйгэҕэ сылдьар оҕону көнө суолга туруорар быдан ордук”, – диир кини.

Дьокуускайга бу сыл бастакы кыбаарталын түмүгүнэн 1198 бэрээдэги кэһии тахсыбыт, онтон 60-нун сокуоннай саастарын туола илик оҕолор оҥорбуттар (2017 с. тохсунньута-кулун тутара – 27). Былырыын баччаларга тэҥнээтэххэ буруйу арыйыы 6,3 %-нан үрдээбит.

Тарҕат:

Ырытыыгын суруй

Защитный код
Обновить

Бүтэһик сонуннар