Войти

Войти

Биһиги саайпытыгар хамсаабат инбэлиит ийэлээх, 7 ыы кырбас оҕолоох ыал үйэтин тэллэйдээх дьиэҕэ моҥуур дьылҕалааҕын туһунан суруйан турабыт. http://kyym.ru/sonunnar/die-kergen/5147-tuk-tuk-elbekh-o-olookh-yarakhan-bala-yannalaakh-yal-k-m-naadyjar

Бэҕэһээ, Билии күнүгэр Үөһээ Бүлүү улууһун оҕо саадын үлэһиттэрэ Далыр нэһилиэгэр олорор 7 оҕолоох  Анна, Петр Васильевтарга 121 тыһ. солк. уу харчынан бэлэх уунан дьиэ кэргэни үөрдүбүтэрин туһунан сууналыыс Александр Тарасов иһитиннэдэ.

Александр Тарасовка Үөһээ Бүлүүтээҕи үөрэх управлениетын оскуола иннинээҕи  үөрэх отделын сэбиэдиссэйэ Любовь Тумусова: "Бу анал тэрээһиҥҥэ улууспут 14 оҕо саадын бары үлэһиттэрэ ким төһөнү биэрэринэн кытыннылар. Бу саас бассаапка Далырга сэттэ оҕолоох инбэлиит  ийэ баарын туһунан сонун өрөспүүбүлүкэни тилийэ көппүтүн бары өйдүүр буолуохтааххыт. Салгыы улууспут  уонна өрөспүүбүлүкэ хаһыаттара бары сырдаппыттара. Билии күнүнэн сибээстээн, элбэх оҕолоох ийэҕэ, аҕаҕа көмөлөһүөххэ диэн санаанан салайтаран бу аахсыйаны ыыттыбыт", - диэн кэпсээбит. 

1

Дьиэ кэргэн аҕа баһылыга Петр Васильев "олус үөрэн олоробут. Бүгүн Далыр оҕо саадын кэлэктиибэ улууспут оҕо саадын үлэһиттэрэ  хомуйан биэрбит харчыларын туттаран олус соһуттулар, үөртүлэр. Бу күннэргэ эргэ дьиэбитин көтүрэн көһөрө сылдьабыт. Ити үбү онно туһаныахпыт. Итини тэҥэ, ийэбит барахсан сотору эмтэнэ барарыгар эмиэ туһаныахпыт. Түгэнинэн туһанан, көмөлөспүт дьоҥҥо дьиэ кэргэним аатыттан дириҥ махталбын тиэрдэбин. Көмөлөспүккүт, Айыы санааҕыт бэйэҕитигэр уон оччонон эргийдин!", - диэн  махталын биллэрбит.  

Тарҕат:

Добавить комментарий

Бүтэһик сонуннар