Гаврил Чемоханов “Битва блогеров” бырайыак кыайыылааҕа, урбаанньыт, доруобуйаларыгар хааччахтаах дьон уопсастыбаларын чилиэнэ, диализниктар ортолоругар Европа чемпионатын призера. Кини уонна ырыаһыт, урбаанньыт Варя Максимова кыттыһан “Аура” диэн аһымал пуонда тэрийдилэр. Ол туһунан Гаврил социальнай ситимҥэ маннык суруйар:
“Биһиги пуондабыт доруобуйаларыгар хааччахтаах дьону кытта үлэлиэҕэ. Кинилэргэ үбүнэн, психолог өҥөтүнэн күүс-көмө буолуохпут”. Пуонда аһымал кэнсиэртэри тэрийэн уонна баҕа өттүнэн көмөлөһөөччүлэртэн үбү киллэрэр былааннаах. Ол курдук, ыам ыйын 29 күнүгэр Ньурбаттан төрүттээх, бүөрүгэр эпэрээсийэ барыахтаах кыыска көмө кэнсиэр буолуохтаах.
Гаврил Чемоханов: “Бу кыһалҕанан доруобуйаларыгар хааччахтаах дьон уопсастыбата дьарыктаммыта ыраатта. Ол эрэн, харчынан көмөнү аадырыска ыытар кыаҕа суох. Тоҕо диэтэххэ, бүддьүөттэн үбүлэнэр. Бу хайысхаҕа аһымал буонда быдан кэсикиллээх. Варя Максимова үтүө санаалаах, олус талааннаах киһи. Кини көмөтүнэн элбэҕи ситиһиэхпит”.
