Киирии

Киирии

Балаҕан ыйын 5 күнүгэр Бэчээт дьиэтигэр СӨ Бырабыыталыстыбатын бэрэссэдээтэлин эбээһинэһин быстах кэмҥэ солбуйааччы Владимир Солодов Илиннээҕи экэниэмикэ форумугар Саха сирин кыттыытын туһунан билиһиннэрдэ уонна суруналыыстар ыйытыыларыгар хоруйдаата.

 «Саха сирэ Илиҥҥи экэниэмикэ форумугар 35-тэн тахса сөбүлэҥи түһэрсиэ. Япония, Кытай курдук тас дойдулар бөдөҥ хампаанньаларын кытта сөбүлэҥи бигэтитиэхпит, ону таһынан, Росатом Судаарыстыбыннай корпорацияны, Почта России, Ростелеком хампаанньалары кытары солун бырайыактары уонна инвестиционнай бырагырааммалары дьүүллэһиэхпит», - диэн Владимир Солодов биллэрэр.

«АЛРОСА, Колмар, Сургутнефтегаз уонна Газпром курдук Саха сиригэр үлэлиир хампаанньалары кытта хаадырынан хааччыйыы туһунан уһун болдьохтоох сөбүлэҥ түһэрсиини былаанныыбыт. Хампаанньалар эдэр испэсэлиистэри өссө оскуола саҕаттан бэлэмнээн таһааралларын курдук кэпсэтии барыаҕа»,- диэн эттэ.

Ону таһынан, Камчатка кыраайын уонна Кемеровскай уобалаһы кытта сөбүлэҥ түһэрсии бэлэмнэнэр.

СӨ Бырабыыталыстыбатын бэрэссэдээтэлин эбээһинэһин быстах кэмҥэ солбуйааччы этэринэн, Саха сирэ Внешэкономбааны кытта бииргэ үлэлэлэһэн, үөрэх эйгэтигэр саҥа бырайыак олоххо киириэ.

Аҕыйах хонугунан Илиҥҥи экэниэмикэ форума 4-с төгүлүн Владивосток куоракка буолуоҕа. Тэрээһин далааһына сылын аайы кэҥээтэр кэҥээн иһэр. Ол курдук, Арассыыйа эрэ биисэнэс элиитэтэ буолбакка, бүтүн Аан дойду таһымнаах тэрээһин буолара сабаҕаланар. Саха Өрөспүүбүлүкэтин сайдыытыгар бу улахан суолтаах тэрээһин буолар диэн, Владимир Солодов бэлиэтээн этэр.

Тарҕат:

Комментарии

Защитный код Обновить