Киирии

Киирии

Национальнай бырайыак чэрчитинэн Саха сирин фермердэрин өйүүргэ 135 мөл. солк. көрүллүөҕэ. Бу харчыга 27 фермерскэй хаһаайыстыбаны тэрийиэхтэрэ уонна тыа хаһаайыстыбатын кээпэрэтииптэригэр 250 саҥа чилиэни киллэриэхтэрэ.

Аччыгый уонна орто урбааны өйүүр национальнай бырайыак чэрчитинэн Саха сирин фермердэрин уонна СХПКлары , итиэннэ агростатартаптары (аграрнай хайысхаҕа саҥа урбаан бырайыактарын) өйүүр сыаллаах 2019 сылга 135 мөл. солк. курдук үп көрүллэр. Бу туһунан ТХМ сүөһү иитиитин, племенной үлэни кэтээн көрүү, кооперация уонна аччыгый хаһаайыстыбалар департаменын салайааччытын солбуйааччы Айаал Тимофеев иһитиннэрэр.

“Национальнай бырайыак чэрчитинэн СХПКлары, фермердэри өйүүр сыаллаах федеральнай бүддьүөттэн 95,9 мөл.. солк. көрүлүннэ. Манна эбии өрөспүүбүлүкэ бүддьүөтүттэн 39 мөл. солк. көрүллүөҕэ. Инньэ гынан, бу харчыга эбии 27 бааһынай (фермерскэй) хаһаайыстыбаны тэрийиэхпит. Онно 54 эбии үлэ миэстэтэ тахсыаҕа. Итиэннэ икки тыа хаһаайыстыбатын потребительскэй кээпэрэтиибэ тэриллиэҕэ. Манна сыл устата саҥа 265 чилиэни киллэрэр соруктаахпыт”, - диир Айаал Тимофеев.

Оттон ордубут үбү “Агростартап” диэн саҥа грант көрүҥэр ыытыахтара. Маны 2019 сылга үөскээбит саҥа тэрилтэлэр салгыы сайдалларыгар туһаныахтара. Грант харчыта төһө үлэ миэстэтин таһаарбыттарынан көрөн 4 мөл. солк. диэри халбаҥныыр.

Маны таһынан, национальнай бырайыагынан кэлбит үбү кээпэрэтииптэргэ тыа хаһаайыстыбатын тиэхиньикэтин, оҥорон таһаарыы тэрилин уонна мобильнай эргиэн эбийиэктэрин атыыласпыт ороскуоттарын сабарга (50 бырыһыаҥҥа дылы, ол эрэри 10 мөл. солк. улааппат) ыытыахтара. Итиэннэ СХПКларга тыа хаһаайыстыбатын бородууксуйатын атыылаһарга субсидияны көрүөхтэрэ.

Тарҕат:

Комментарии

Защитный код Обновить