Киирии

Киирии

Ааспыт сыл түмүгүнэн өрөспүүбүлүкэ Арассыыйа эрэгийиэннэрин ортолоругар инвестицияны тардыыга көрдөрүүтүн 30 пуунунан тупсарда уонна 52-с миэстэтиттэн 22кэ таҕыста. Бу туһунан Ил Дархан уонна бырабыыталыстыба пресс-сулууспата иһитиннэрэр.

“Ааспыт 2018 сыл түмүгүнэн Саха сирэ Арассыыйа эрэгийиэннэрин ортолоругар инвестиционнай килиимэт национальнай эриэйтинигэр бастыҥнар кэккэлэриэр таҕыста. Бу иннинэ 52-с миэстэҕэ сылдьыбыт эбит буоллахпытына, бу сырыыга 22-с миэстэҕэ таҕыстыбыт. Ааспыт сылга өрөспүүбүлүкэ таска атыылаан эргиниитэ 4 млрд 900 мөл. дуолларга тэҥнэстэ. Ааспыт сыл түмүгүнэн эрэгийиэннэр ортолоругар экспорт эргиирин эриэйтинигэр 20-с миэстэҕэ таҕыстыбыт” , — диэн Айсен Николаев Харбиҥҥа буолбут VI Экспо РФ уонна КНР эрэгийиэннэрин сыһыанаһыыларын 2-с Форумун пленарнай мунньаҕар эттэ.

Маны таһынан, Ил Дархан “Норуоттар икки ардыларынааҕы кооперация уонна экспорт” национальнай бырайыагы олоххо киллэрии чэрчитинэн Саха сириттэн сырьеттан атын табаары экспордааһыҥҥа үлэ күүһүрүөҕүн бэлиэтээтэ.

“Күн бүгүн биһиги инвестордарга тырааныспар-логистика ситимигэр сыһыаннаах баараҕай бырайыактары олоххо киллэрсэллэригэр этии оҥоробут. Ол иһигэр Өлүөнэ күргэтин тутуу, Жатайдааҕы үрдүк технологиялаах судоверф тутуута, Дьокуускай куорат аэропордун норуоттар икки ардыларынааҕы терминалын саҥардыы, итиэннэ ньиэп-гаас хостооһуна, таҥастааһын, кытаанах сиртэн хостонор баайы, ол иһигэр алмааһы хостооһун, тутуу матырыйаалын оҥоруу, ойуур бырамыысалыннаһын эйгэтигэр инвестбырайыактар бааллар” , — диэн Айсен Николаев эбэн эттэ.

Тарҕат:

Комментарии

Защитный код Обновить