Дойду премьер-миниистирэ Дмитрий Медведев Резерва пуондатыттан Арассыыйаҕа тыа сирин мэдиссиинэтэ сайдарыгар 3,5 млрд. солк. тыырар дьаһалларга илии баттаата.
Бастакы докумуоҥҥа сурулларынан, бастаан субъектар 101-2000 киһи олорор тыа сирдэрин амбулаторияларын, биэлсэр уонна биэлсэр-акушер пууннарын тупсаралларыгар-сэбилииллэригэр 1,23 млрд көрүллүөхтээх. Оттон иккис дьаһал чэрчитинэн, 100 иһинэн киһилээх нэһилиэнньэлээх пууннары көһө сылдьар мэдиссиинэ тиэхиньикэтинэн хааччыйарга 2,2 млрд тыырыллыахтаах. Бу көмө харчыга 64 эрэгийиэн тиксиэхтээх.
