Уу суолунан сырыы саҕаланыаҕыттан, өрөспүүбүлүкэҕэ 782,7 тыһ. туонна таһаҕаһы тиэртилэр (ити былааннаммыттан 62,9%), 905,4 тыһ. т. сүөкээтилэр. Бу туһунан СӨ Тырааныспарга уонна суол хаһаайыстыбатыгар министиэристибэтин пресс-сулууспата иһитиннэрэр.
Төһө да сорох өрүстэргэ уу таһыма биллэ түстэр, навигация салҕанан барар, флот былааннаммытын курдук үлэлии турар. Өлүөнэ өрүскэ Усть-Куттан Остуолба арыытыгар дылы суудуналар сылдьалларыгар хааччахтар бааллар, оттон Дьааҥыга – Усть Куйгаттан Нижнеянскайга дылы. Манна дириҥэтии үлэтэ ыытыллар.
Хотугу өрүстэринэн 338,5 тыһ. т. таһаҕаһы тиэйиэхтээхтэр, онтон 165,9 тыһ. туонна тиэрдилиннэ (былаантан 49%). Халыма уонна Индигиир өрүстэргэ уу дириҥэ мэктиэлэммит бэлиэҕэ дылы тиийэр таһымнаах.
