Войти

Войти

Өлүөнэни туоруур күргэни тутуу 2020 сыллааҕы эрэгийиэннээҕи уона федеральнай бүддьүөккэ уларытыыны киллэрэри ирдээбэт. Бу туһунан ТАССка Айсен Николаев бүгүн, сэтинньи 25 күнүгэр иһитиннэрбит.

Ил Дархан этэринэн, бырайыак бастакы түһүмэҕин чааһынай концессионнай көҕүлээһин чэрчитинэн инвестор бэйэтэ үбүлүөхтээх.

“Биһиги чааһынай инвестор улахан үбү көрүө диэн саныыбыт. Күргэ бырайыагар эһиилги үбүлээһиҥҥэ инвестор быһаарыннаҕына, концессионер харчытыттан үбүлэниэҕэ”, - диир Айсен Николаев.

Күргэни тутуу бырайыага ГЧП (судаарыстыба уонна чааһынай тэрилтэ кыттыһыылара) быһыытынан олоххо киириэхтээх. Үбүлээһин сорох чааһа – инвестор харчыта, сороҕо – өрөспүүбүлүкэ уонна федеральнай бүддьүөт тыырар капитальнай грана. Грант харчытын күргэ тутуутун тиһэҕэр туһаныахтара. Ити – быһа барыллаан, 2022-2024 сс. буолуоҕа.

Санатар буоллахха, Өлүөнэни туоруур күргэни тутууга хас да инвестор киирсэр баҕалааҕын биллэрбитэ.

Тарҕат:

Комментарии

Защитный код Обновить

Бүтэһик сонуннар