Войти

Войти

 Эдэр ыаллар уонна “Уһук Илиҥҥи гектар” бырагыраамманан сир ылааччылар  2 %-наах ипэтиэкэнэн дьиэ атыылаһыахтарын сөп. Ол туһунан дьаһалга РФ премьер-миниистирэ Дмитрий Медведев илии баттаата.

Чэпчэтиилээх ипэтиэкэнэн 35-гэр диэри саастаах кэргэнниилэр эбэтэр соҕотох төрөппүттэр, ону таһынан, “Уһук Илиҥҥи гектар” бырагыраамманан сир ылан ИЖС туттар былааннаах дьон туһаныахтарын сөп. Сири ылааччыларга сааһынан хааччахтааһын диэн суох. Ипэтиэкэнэн Уһук Илиҥҥи эрэгийиэн куораттарыгар саҥа дьиэҕэ эбэтэр тыа сиригэр вторичнай ырыынактан кыбартыыра ылар кыахтаннылар.  Дьиэ тутуутугар кирэдьииттээһин бу икки араҥаҕа эмиэ кыаллар.

Кирэдьиити 20 сыл төлүүллэр. Баан ирдэбилинэн кирэдьиит сууматыттан 20 % бастакы төлөбүр төлөнүөхтээх. Чэпчэтиилээх 2 %-наах ыстаапканы тутар биир сүрүн усулуобуйата диэн, эдэр ыаллар атыыласпыт дьиэлэригэр пропискаланыахтаахтар.  Кирэдьиит ылбыт күнтэн прописка биэс сылтан кырата суох кэм буолуохтаах. Барыллааһын быһыытынан 450 млрд солк суумалаах 147 тыһ кирэдьиит бэриллиэхтээх.

 

yakutia24.ru/

Тарҕат:

Комментарии

Защитный код Обновить

Бүтэһик сонуннар