Войти

Войти

Бу сылга Горнай улууһугар Саха сирин инвестиционнай бырагыраамматын былааныгар ипподрому өрөмүөннээһин, 1000 миэстэлээх, сүүрэр суоллаах стадиону, ытыы комплексын уонна Бэрдьигэстээххэ успуорт саалатын тутуу киирэр.

Улуус олохтоохторугар култуура миниистирэ Юрий Куприянов салайааччылаах бырабыыталыстыба отчуота буолан ааста. Министиэристибэ пресс-сулууспата иһитиннэрэринэн, Бэрдьигэстээххэ 550 миэстэлээх оскуола, Маҕараска Өркөн түөлбэҕэ  модульнай хочуолунай о.д.а. тутуутун боппуруоһа быһаарыллар.

Бу сылга Бэрдьигэстээххэ ууну ыраастыыр тутуу, Бэс-Күөлгэ, Күөрэлээххэ, Өрт, Аһыма, Дьиикимдэ нэһилиэктэригэр 4G халыыптаах МТС ыстаансыйата, Кэптин уонна Өрт нэһилиэктэригэр арыы сыаҕын тутуу, Аһыма – Кэбээйи суолунан “Перегон скота” диэн суола бэлиэлэрин туруоруу о.д.а. былааннанар.

Оттон 2021 сылга Күөрэлээх нэһилиэгэр ууну ыраастыыр тутуулаах скважинаны “Ыраас уу” бырагырааммаҕа киллэрии, Орто-Сурт нэһилиэгин ситимин СИП-хаабылга уларытыы, суолу сырдатыы, Маҕараһынан ааһар федеральнай суол учаастагар тратуардары, суолу туоруур сирдэрин оҥоруу былааннанар.

Олохтоохтор бырабыыталыстыба үлэһиттэригэр ааспыт сылга Бэрдьигэстээххэ 98 миэстэлээх уһуйаан, Дьиикимдэҕэ култуура дьиэтэ үлэҕэ киирбиттэригэр, Дьиикимдэҕэ, Өрткө, Аһымаҕа, Күөрэлээххэ, Бэс-Күөлгэ оптоволокно ситимэ тардыллыбытыгар махтаннылар. Ааспыт сылга 92 дьиэ киинтэн ититиигэ холбоммут.  Ону таһынан, хаарбах туруктаах дьиэлэртэн көһөрүүгэ 387 мөл солк көрүллүбүтүн бэлиэтээтилэр.

news.ykt.ru/

Тарҕат:

Комментарии

Защитный код Обновить