“Газпром” дириэктэрдэрин Сэбиэтэ Владимир Путин сиэн быраатын – Михаил Путины биэс сыл болдьохтоон бырабылыанньа бэрэссэдээтэлин солбуйааччытынан анаата.
Бу иннинэ олорбут Александр Козлов ааспыт сыл ахсынньытыгар өлбүтэ.
Михаил Путин – дойду бэрэсидьиэнэ Владимир Путин сиэн быраата, 1967 сыллаахха Иваново куоракка төрөөбүт. Ивановатааҕы судаарыстыбаннай мэдиссиинэ институтун уонна С.Орджоникидзе аатынан судаарыстыбаннай салайыы академиятын бүтэрбит. Мэдиссиинэ билимин хандьыдаата.
“Медтехснаб” ФГУП генеральнай дириэктэрин солбуйааччытынан, Арассыыйа Доруобуйа харыстабылын министиэристибэтигэр эминэн-томунан уонна мэдиссиинэ тэриллэринэн хааччыйыы уонна фармацевтика дьыалаларын управлениетын начаалынньыгын солбуйааччытынан, Доруобуйа харыстабылын экэнэмиичэскэй сайдыытын департаменын, Минздрав үп салалтатын уонна материальнай ресурсаларын управлениетын салайааччытынан үлэлээбит.
2004-2007 сыллардаахха “Газпром” ААУо мэдиссиинэ управлениетын начаалынньыгынан, оттон 2007 сылтан “СОГАЗ” ААУо бырабылыанньатын бэрэссэдээтэлинэн олорбут. РФ 3-с кылаастаах дьиҥнээх сүбэһитэ.
2007-2018 сс. М.Путин “Газпром” ПАУо бырабылыанньатын бэрэссэдээтэлин сүбэһитинэн сылдьыбыта.
