Войти

Войти

Саха сирин бырабыыталыстыбата 2020 сыл иккис аҥаарыгар нэһилиэнньэ биир дууһатыгар тииһинэн олоруу алын кээмэйин бүгүн, атырдьах ыйын 20 күнүгэр бигэргэттэ. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

Саха сиригэр тииһинэн олоруу алын кээмэйэ ортотунан 17721 солк. тэҥнэспит, үлэлиир дьоҥҥо – 18 728 солк., биэнсийэлээхтэргэ – 14215 солк., оҕолорго – 18559 солк. Арктика оройуоннара, Өймөкөөн улууһа, Айхал уонна Удачнай куорат киирсэр бастакы зонаҕа тииһинэн олоруу алын кээмэйэ 20573 солк. буолбут, үлэлиир нэһилиэнньэҕэ – 21942 солк., биэнсийэлээхтэргэ – 16913 солк., оҕолорго – 21307 солк. Иккис зонаҕа (Алдан, Амма, Үөһээ Бүлүү, Бүлүү, Горнай, Кэбээйи, Ленскэй, Мэҥэ Хаҥалас, Мииринэй, Нам, Нерюнгри, Ньурба, Өлүөхүмэ, Сунтаар, Таатта, Томпо, Уус Алдан, Уус Майда, Хаҥалас, Чурапчы уонна Дьокуускай) – 17386, үлэһиттэргэ – 18366, биэнсийэлээхтэргэ – 13884, оҕолорго – 18222 солк. Ааспыт сылга тэҥнээтэххэ, тииһинэн олоруу алын кээмэйэ 3,5 бырыһыанынан улааппыт. Тииһинэн олоруу алын кээмэйинэн социальнай бырагыраамалары олоххо киллэрэргэ уонна кыаммат гражданнарга көмөнү оҥорорго суоттууллар.

Тарҕат:

Добавить комментарий