Алтынньы 23 күнүгэр Кэбээйи сэлиэнньэтин уонна Дьокуускайы холбуур айан аартыгын арыйыахтара. “Кэбээйи” суола “Бүлүү” федеральнай трассаҕа сыл устата тахсар кыахтанна.
“Кэбээйи” суолун икки өттүттэн тэҥинэн тутан саҕалаабыттара: Кэбээйи сэлиэнньэтиттэн Дьокуускай туһаайыытыгар уонна Горнай Бэс Күөлүттэн Кэбээйи сэлиэнньэтин туһаайыытынан. Суол утуааччыллар уопсайа 25 килэмиэтирдээх суолу, итиэннэ Кэбээйин уонна Горнай ситимниир 106 миэтирэлээх Түгэнэ үрэҕин туоруур муостаны туттулар.
Билиҥҥитэ сүрүн үлэ түмүктэммит, суол бэлиэлэрин уонна суол кытыытын бүөлүүр анал бэлиэлэри уура сылдьаллар. Инньэ гынан, билигин Кэбээйи олохтоохторо Дьокуускайга дылы 4,5-5 чааһынан айанныыр буолуохтара.
Кэнэҕэһин Кэбээйи сэлиэнньэтиттэн суол чугастыы сытар нэһилиэктэргэ – Арҕастаахха, Тыайаҕа уонна Чагдаҕа тиийиэҕэ. Маны таһынан, Саха сирин былаастара Сангаартан Мукучука тиийэр суолу тутары былаанныыллар.
