Ойуулук саха кыһынын туһунан сэрийээл икки чааһа буолар. Манна саха үгэс буолбут дьарыгын – муҥха – туһунан кэпсэнэр.
“Тундра” анимация устуудьуйатын “Муҥха” ойуулуга олунньу 13 күнүгэр “Үлэ кварталыгар” сүрэхтэммитэ. Ойуулук “Саха” НКИХ көмөтүнэн оҥоһуллубута. Ол кэмтэн оруобуна биир ый буолан баран, иккис чааһа таҕыста.
Санаттахха, бу иннинэ “Тундра” хампаанньа “Тымныы Оҕуһа” диэн ойуулуга Торонтоҕо буолбут киинэ бэстибээлигэр төрүт омуктар төрөөбүт тылларын харыстыыр түһүмэххэ биһирэммитэ.
Хаартыска: Ил Дархан уонна бырабыыталыстыба пресс-сулууспата.
