Киирии

Киирии

Ньурбатааҕы драмтыйаатыр дьиэтин тутууга 420 мөл солк үп көрүллүөҕэ. Бу ыйга бастакы сыбаайата түһүөҕэ.

Көрүллүбүт үптэн бу сылга 130 мөл солк туһаныллара былааннанар. Ол курдук, сир учаастага ылыллыаҕа, сыбаайалара түһүөҕэ, акылаат аннынан билиитэлэр оҥоһуллуохтара.

“РИК Плюс” тэрилтэ нөҥүө “АЛРОСА-Ньурба” аахсыйатын 10% атыытыттан 420 мөл солк үп көрүллэрэ былааннанар. Бу туһунан от ыйын 8 күнүгэр СӨ бырабыыталыстыбатын бэрэссэдээтэлэ Владимир Солодов салайааччылаах мунньахха этиллибитэ.

Тыйаатыр уус-уран салайааччыта  Юрий Макаров иһитиннэрбитинэн, бастакы сыбаайа от ыйын 16 күнүгэр түһүөҕэ. Үөрүүлээх тэрээһиҥҥэ өрөспүүбүлүкэ салалтата, бырабыыталыстыба чилиэттэрэ, тыйаатыр үлэһиттэрэ кыттыыны ылыахтара. Тутуу тыйаатыр сылыгар саҕаналара бэлиэ буолар.

Биһиги бү түгэни 53 сыл күүттүбүт. Бу кэмҥэ диэри бас билэр дьиэбит-уоппут суоҕа. Тыйаатыр дьиэтэ тутулларын туһунан сонуну олус үөрэ иһиттибит. Дьолбутуттан көтүөхпүтүн кынаппыт суох. Саҥа тыйаатыр 240 миэстэлээх, кыра уонна бэлэмнэнэр сааллаах буолуоҕа. Сыана аныгы ирдэбиллэргэ эппиэттиир уот-күөс, тыас-уус тиэхиньикэтинэн хааччыллыылаах буолуоҕа”, – диэн Юрий Макаров кэпсиир.

Тыйаатыр быйылгыттан 2021 сылга диэри Ньурба киинигэр тутуллуоҕа.

ysia.ru

Тарҕат:

Комментарии

Защитный код Обновить