Суорун Омоллоон аатынан Опера уонна Балет тыйаатырын дириэктэрин дуоһунаһыгар тоҕус киһи сорунар. Ол туһунан култуура министиэристибэтин пресс-сулууспата иһитиннэрэр.
Тыйаатыр дириэктэрин дуоһунаһыгар сүүмэрдиир куоҥкурус кэтэхтэн ыытыллан түмүктэннэ. Ол түмүгүнэн очнай түһүмэххэ тоҕус киһи киирбит. Олор истэригэр атын куоракка олорор дьон бааллар.
Анал хамыыһыйа бу дьон салайар сатабылларын сыаналыахтара. Балаҕан ыйын 30 күнүгэр сессия буолуоҕа. Ону таһынан, алтынньы 2 күнүгэр тыйаатыры сайыннарыыга анаммыт бырагыраамманы хамыыһыйа иннигэр көмүскүөхтэрэ. Бу түмүгүнэн кыайыылаах биллиэ.
