Ахсынньы 12-гэр – РФ Конституциятын күнүгэр, Орто Халыма куоратыгар киинэ саалатын үөрүүлээх арыллыыта буолан ааста. Үөрүүлээх тэрээһиҥҥэ Орто Халыма куорат баһылыга Николай Чукров уонна “Кулума” култуура киинин дириэктэрин эбээһинэһин толорооччу Петр Попов кыттыыны ыллылар. Николай Захарович СӨ култуураҕа уонна духуобунай сайдыыга министиэристибэтин уонна бэйэтин аатыттан куорат олохтоохторун эҕэрдэлээтэ.
“Кулума” култуура киинигэр арыллыбыт аныгы киинэ саалата федеральнай субсидия үбүнэн хааччыллыбыт. Санатар буоллахха, саҥа тэриллэри ыларга РФ култуура министиэристибэтэ 5 мөл солк грант көрбүтэ. Инньэ гынан, көрөөччүлэр үрдүк хаачыстыбалаах “Dolby Digital” диэн тыас-уус тэрилинэн уонна күүстээх лазернай проректорынан үрдүк хаачыстыбалаах киинэлэри көрөр кыахтаннылар.
Саҥа киинэ саалыгар “Лев Яшин: вратарь моей мечты” диэн киинэни көрдүлэр.
“Халыма долгуннара”, ulus.media/
