Улуу Кыайыы 75 сыллаах тэрээhинигэр улуустааҕы айылҕа харыстабылын инспекциятын уонна лесничество үлэhиттэрэ «Саллаат олоҕун салҕаан» аахсыйа чэрчитинэн, Ленскэй улууhуттан пихта, ыылаах мас үнүгэстэрин аҕалан «Эколог скверигэр» айылҕа харыстабылыгар үлэлээбит Аҕа дойдуну көмүскүүр Улуу сэриигэ кыттыбыт уон икки бэтэрээнҥэ анаан, кинилэр сырдык кэриэстэрин уонна ааттарын үйэтитэр туhуттан олортубут. Бу олордуллубут хас биирдии уон икки маска бэтэрээннэр ааттара суруллан, өйдөбүнньүк табличкаҕа бэлиэтэннилэр.
Бу дьыл олунньу ый 12 күнүгэр улуус баhылыгын В. С. Поскачин гранын сүүйбүт М. Т. Егоров аатынан 2 №-дээх оскуола 5-с кылаас үөрэнээччитэ Н. Н. Семенов, айылҕа харыстабылын инспекциятыттан В.Р. Слепцов госинспектор салайааччылаах «Аллея Памяти» бырайыагынан «Сквер эколога» бэтэрээннэр кэриэстэригэр мас олордуута олоххо киириитинэн буолла.
Биллэрин курдук от-мас үүнэн эмиэ олоҕу олорор, ол курдук мас, ханнык боруодатыттан араастаан хас да үйэ үүнэр, онон сиэттэрэн бу олордуллубут мастарбыт, улуу сэриигэ кыттыбыт буойуттарбыт ааттарын үйэлэргэ ааттатыахтара, мас олордуутугар улуу сэрии кыттыылааҕа, бэтэрээн Васильев Павел Егорович уола Васильев Вадим Павлович, кэргэнинээн Васильева Полина Владимировналыын кэлэн кыттыыны ыллылар.
Аҕа дойдуну көмүскүүр Улуу сэриигэ кыттыбыт, өстөөхтөрү кыайан-хотон, дойдуларыгар эргиллэн кэлэн, айылҕа харыстабылыгар үлэлээбит фронтовиктар сырдык кэриэстэригэр олордуллубут хас биирдии пихта ыылаах мас силигилии үүнэн, улаатан, кинилэри үйэ-саас тухары саната, өйдөтө туруохтара, буойуттар ааттара:
1. Петров Георгий Андреевич: 04.04.1925 г. – 14.09.2008 г.
2. Казаков Василий Алексеевич: 31.12.1926 г. – 15.11.2001 г.
3. Захаров Григорий Романович: 1925 г. – 1999 г.
4. Чарастаев Данил Григорьевич: 1916 г. – 1999 г.
5. Гаврильев Захар Николаевич: 1915 г. – 2002 г.
6. Винокуров Семен Иванович: 1926 г. – 1998 г.
7. Филиппов Петр Константинович – 1918 г. – 01.04.1978 г.
8. Филиппов Егор Гаврильевич – 1923 г. - 2002 г.
9. Васильев Павел Егорович: 1919 г. – 2002 г.
10. Кардашевский Василий Гаврильевич: 1917 г. – 1977 г.
11. Захаров Калинник Романович: 1915 г. – 2002 г.
12. Спиридонов Иван Спиридонович: 25.02.1913 г. – 05.06.1991 г.
Улуу Кыайыы 75 сылыгар, Россияҕа өйдөбүнньүк, умнуллубат албан аат, Сахабыт сиригэр – Дойдуга бэриниилээх буолуу сылларыгар, улуустааҕы Айылҕа харыстабылын үлэhиттэрэ (экология инспекцията, лесничество), улуу Аҕа дойду сэриитигэр кыттыбыт бэтэрээннэрбитигэр, кинилэр олохторун салҕаан, Сахабыт сирин бэрт сэдэх маhын олордон, кинилэр иннилэригэр ытык иэспитин толорбуппутуттан киэн эрэ туттуох тустаахпыт, үйэлэргэ өйдөбүл буоллун.
Cудаарыстыба экологияҕа кэтэбилин
Үөhээ Бүлүүтээҕи инспекциятын салайааччыта,
РФ уонна СӨ айылҕатын харыстабылын туйгуна,
Үөhээ Бүлүү улууhун бочуоттаах олохтооҕо В.Титов
