Киирии

Киирии

Дьокуускайга Хомсомуол болуоссакка үгэскэ кубулуйбут балык дьаармарката номнуо тохсус төгүлүн ыытылынна. Манна уонтан тахса тонна балык атыыланна. Бу туһунан СИАҕа тыа хаһаайыстыбатын министиэристибэтин үлэһитэ Иннокентий Баланов иһитиннэрэр.

Быыстапка-дьаармаркаҕа чыыр, хатыыс, муксуун, тууччах уо.д.а. балыктар куорат үрдүнэн ордук удамыр сыанаҕа хамаҕатык атыыланнылар. Уопсайа 16 балыгынан дьарыгырар тэрилтэлэр кытыннылар. Иннокентий Баланов этэринэн, быһа холоон уонтан тахса тонна балык атыыламмыт. Бу тэрээһин сылга үстэ ыытыллар: кулун тутарга, алтынньыга уонна ахсынньыга.

Ону таһынан, “Строганина” күрэһэ ыытылынна. Манна үһүс миэстэни “Булуҥ” тэрилтэ бэрэстэбиитэлэ Дмитрий Евдокимов, иккис миэстэ — “Хоту Балык” салайааччыта Алексей Птицын, оттон бастакы миэстэни Усуйаана улууһун Тумат сэлиэнньэтиттэн “Чондон” община кэпэрэтиибин үлэһитэ Иннокентий Колесов ыллылар.

Тарҕат:

Комментарии

Защитный код Обновить