Дьокуускайга бу күннэргэ 203 кыбаарталга турар “ҺӨҔҮҤ. Саха тыла - худуоһунньук хараҕынан” диэн аныгы ускуустуба күрэс-быыстапката арылынна. Манна элбэх худуоһунньук, айар бөлөхтөр живопись, графика, инсталляция, уһаныы ньымаларынан саха тылыгар сыһыаннаан айбыт оҥоһуктара турдулар.
Быыстапкаҕа баар айымньылар ортолоругар киэҥник биллэр эдэр худуоһунньук Анна Саввина “Ийэ тыл” диэн “Кыым” хаһыаты туһанан килиэйдээн оҥорбут кэрэх мас курдук инсталляцията киһи болҕомтотун тардар. Худуоһунньук айымньыта тас көстүүтүн таһынан иитэр-үөрэтэр ис хоһоонноох. Саха тылын бары дифтоннарын ойуулаан тылбыт уратытын көрдөрөр.
“Оҕо сахалыы саҥарбат буола иһэр” диэн “Дьиэ кэргэн саха тылын быыһыаҕа” диэн тыл дьылҕатыгар уопсастыба болҕомтотун тардар. “Ийэ тыл быстар-ойдор кэмҥэ быыһал, абырал буолар, өлөр-сүтэр күҥҥэ өрүһүлтэ буолар” диэн Күндэ тылларынан төрөөбүт тыл суолтатын көрөөччүгэ быһаарар.
Быыстапка ахсынньы 29 күнүгэр диэри туруоҕа.
Бэйэ кэр.
