Саха сиригэр 29 тыһыынчаттан тахса дьиэ кэргэн биир кэлим босуобуйаҕа сайабылыанньа биэрбит. Ол 94% Социальнай пуондаҕа судаарыстыбаннай өҥө порталын нөҥүө киирбит.
Пуонда Саха сиринээҕи салаатын управляющайа Марина Герман: «Босуобуйа учуокка эрдэ турбут 613 хат дьахтарга, 10 648 дьиэ кэргэҥҥэ, ол эбэтэр 21 507 оҕоҕо ананна», - диэн иһитиннэрдэ.
Биир кэлим босуобуйа намыһах дохуоттаах ыалларга 17 диэри саастаах оҕо ахсын ананар. Тохсунньу 1 күнүттэн бу босуобуйа биэс федеральнай уонна биир региональнай төлөбүрү түмэр. Босуобуйа ый үһүс күнүгэр бааҥҥа түһэр.
Сонун төрдө: CӨ Бырабыыталыстыбатын уонна Ил Дарханын пресс-сулууспата
